Nýttu daginn þinn til fulls með því að fara í tvö ævintýri sama daginn.

Dagurinn byrjar með fjórhjólaferð um Sólheimasand að hinu fræga Douglas DC3 flugvélaflaki. Ferðin hefst við bækistöðvar Arcanum undir Mýrdalsjökli (Bárukot) klukkan 10:00 þar sem leiðsögumaðurinn ykkar mun fara yfir öll helstu öryggisatriði sem þarf að huga að við akstur fjóhjóla. Ykkur er útvegaður allur nauðsynlegur búnaður og þegar allir eru klárir er stefnan tekin á Sólheimasand. Ekið er niður á strönd þar sem tekur við stórbrotið útsýni yfir suðurströndina, að Dyrhólaey og, þegar horft er inn að landi, Mýrdalsjökul og Eyjafjallajökul. Síðan liggur leiðin inn að hinu fræga DC3 flugvélaflaki þar sem við stígum af hjólunum og tökum smá ljósmyndapásu. Að lokum er haldið aftur til baka á upphafstað ferðarinnar.

Eftir fjórhjólaferðina gefst tími til að fá sér hádegisverð áður en farið er í seinni ferð dagsins. Kayaksiglingin hefst klukkan 12:30 og er á jökullóninu við Sólheimajökul. Til að komast þangað keyrið þið aftur niður á Þjóðveg 1, keyrið 3,5 km í vestur og beygið svo inn á veg 221 (sjá akstursleiðbeiningar). Vinsamlegast verið mætt á áfangastað 20 mínútum fyrir brottför til að undirbúa ykkur fyrir ferðina.

Kayak-leiðsögumaður ykkar tekur á móti ykkur og útvegar ykkur þurrbúning og annað nauðsynlegan kayakbúnað. Siglt er á stöðugum og notendavænum sit-on-top kayökum og ekki er þörf á að hafa áður ferðast um á kayak. Þegar allir eru tilbúnir mun leiðsögumaðurinn leiða ykkur um töfraveröld lónsins. Við skoðum jökulinn og siglum á milli ísjakanna sem reglulega brotna af jökulendanum. Eftir um 90 mínútna siglingu er haldið til baka á þurrt land.

Athugið: Gild ökuréttindi þarf til að aka fjórhjóli. Einstaklingar og oddatöluhópar þurfa að greiða fyrir staka ökumenn (e. single rider fee).

Lágmarks aldur: 14