Í þessari auðveldu og fjölskylduvænu jöklagöngu er farið í stuttan leiðangur um skriðjökul í nágrenni Skaftafells. Vatnajökull, stærsti jökull í Evrópu, og skriðjöklarnir sem teygja sig niður jökuldali Vatnajökulsþjóðgarðs eru ótrúleg náttúruundur sem vert er að skoða. Viðurkenndur og reyndur jöklaleiðsögumaður tekur á móti þér í höfuðstöðvum okkar í Skaftafelli en þaðan er haldið að rótum skriðjökuls þar sem aðgengi er gott. Gengið er um framandi landslag þar sem djúpar sprungur, vatnssvelgir og aðrar jökulmyndanir eru skoðaðar á öruggan hátt. Á meðan jöklaleiðsögumaður okkar fræðir hópinn um nærumhverfið gefst nægur tími til að taka myndir og safna minningum.

Allur tæknilegur búnaður, mannbroddar og ísexi, öryggisbelti og hjálmur, er innifalin í ferðinni og fyrri reynsla af jöklagöngum er ekki nauðsynleg.

Lágmarks aldur: 10