Elbrus
Elbrus er hæsta fjall Evrópu 5.642 m. Þessi rússneska fjalladrottning er tveggja tinda og er lægri tindurinn 5.621 m og austar en hátindurinn. Elbrus er eldfjall staðsett rúma 20 km norður af sjálfum Kákasus fjallgarðinum sem skilur að Asíu og Evrópu. Fjallið er ekki tæknilega erfitt og í raun bara löng fjallganga ekki ósvipuð göngu á Hvannadalshnúkinn nema bara í mun hærri hæð og þynnra lofti. 

Ferðatilhögun
Til þess að tryggja að hæðaraðlögun verði með sem besta móti og allir í góðum gír þegar toppadagurinn rennur upp, tökum við nokkra daga í það að kanna norðurhlíðar fjallsins undir handleiðslu reyndra háfjallaleiðsögumanna. Við gistum í bæ í einum dalnum áður en lagt er í hinar sérstöku grunnbúðið þaðan sem við leggjum í topp atrennuna. Þó að toppadagurinn sé ekki tæknilega erfiður er hann langur og því nauðsynlegt að vera aðlagaður að þunna loftinu. Af Elbrustindinum er ógleymanlegt útsýni yfir stórfengleg Kákasus-fjöllin.