Brattgengið er fjallamennskuhópur Íslenskra Fjallaleiðsögumanna og hugsað fyrir þá sem þegar hafa aflað sér reynslu af göngum og útivist en langar að auka færni sína og reynslu enn frekar. Í Brattgenginu fá þátttakendur þjálfun í hinum ýmsu aðferðum fjallamennskunnar og spreyta sig á flóknari verkefnum en áður. Glæsilegir og stundum torsóttir tindar eru klifnir með öryggi að leiðarljósi.

Hægt er að bóka pláss í Brattgenginu á netinu eða með því að hafa samband við skrifstofu Íslenskra Fjallaleiðsögumanna (587-9999, [email protected]).

Fjöldi þátttakenda á hvern leiðsögumann í viðkomandi ferð/námskeið er innan sviga. Einn leiðsögumaður á hverja tvo þátttakendur er til að mynda (1:2). Ef allt að fjórir geta verið með hverjum leiðsögumanni stendur (1:4) og svo framvegis.

Dagskrá er háð veðri og vindum og við áskiljum okkur rétt til þess að breyta henni ef þess gerist þörf. Að sama skapi erum við mjög sveigjanleg og getum hnikað til eða bætt við dagsetningum ef það hentar hópnum betur.