Upplifðu einn fjölsóttasta skriðjökul landsins, Sólheimajökul, frá alveg nýju sjónarhorni í þessari einstöku kayaksiglingu. Reyndir kayakleiðsögumenn Íslenskra Fjallaleiðsögumanna taka á móti þér í höfuðstöðvum okkar við Sólheimajökul (Sólheimajökull Base Camp) þar sem farið er yfir grunnatriðin í kayakróðri. Þurrbúningur er innifalinn í ferðinni og þegar allir eru tilbúnir er haldið niður að lóninu. Á lóninu er siglt milli ísjaka og jökullinn skoðaður frá sjónarhornum sem ekki eru aðgengileg á landi. Í ferðinni er notast við svokallaða sit-on-top kayaka, sem auðvelt er að stýra og því er ekki þörf á neinni fyrri reynslu í kayakróðri. Ferðin er því tilvalin fyrir byrjendur jafnt sem lengra komna og góð afþreying fyrir alla fjölskylduna. 

Athugið: Notaðir eru bæði eins- og tveggja manna kayakar. Leiðsögumaður ferðarinnar velur og raðar í kayaka eins og best hentar hópnum.

Fyrir frekari upplýsingar og hópaverð hafið samband með tölvupósti á [email protected]

Lágmarks aldur: 14