Hér gefst þér tækifæri á að gera almennilegt ævintýri úr Suðurstrandarferðinni þinni og fara í tvö ævintýri samdægurs.

Dagurinn byrjar á fjórhjólaferð frá bækistöðvum Arcanum undir Mýrdalsjökli (Bárukot). Leiðsögumaður ykkar tekur á móti ykkur og útbýr ykkur fyrir ferðina. Farið er um skemmtilegan slóða sem liggur um læki, holt og hæðir, niður á hina svörtu sanda Sólheimasands. Þar tekur við magnað útsýni um strandlengjuna, niður að Dyrhólaey og upp að Mýrdalsjökli. Síðan er haldið að hinu stórbrotna Douglas DC3 flugvélaflaki. Við tökum okkur hlé frá akstrinum fyrir myndatöku áður en haldið er aftur að upphafsstað.

Eftir fjórhjólaferðina gefst tími til að fá sér hádegisverð áður en farið er í seinni ferð dagsins. Jöklagangan hefst klukkan 13:00 og er við Sólheimajökul. Til að komast þangað keyrið þið aftur niður á Þjóðveg 1, keyrið 3,5 km í vestur og beygið svo inn á veg 221 (sjá akstursleiðbeiningar). Íslenskir fjallaleiðsögumenn eru eina fyrirtækið með fasta aðstöðu við Sólheimajökul og geta þátttakendur notað salernisaðstöðu þar, borðað nesti sitt innandyra og fengið sér kaffi eða te í boði hússins. Vinsamlegast verið mætt á áfangastað 20 mínútum fyrir brottför til að undirbúa ykkur fyrir ferðina.

Viðurkenndur og reyndur jöklaleiðsögumaður mun taka á móti ykkur þar og undirbúa ykkur fyrir jöklagönguna. Þegar allir eru tilbúnir er gengið að jöklinum sem er í um 15 mínútna göngufjarlægð. Þar mun leiðsögumaðurinn leiða ykkur um djúpar sprungur, vatnssvelgi og magnaðar, bláar ísmyndanir. Gangan er við flestra hæfi og fjölskylduvænt ævintýri. Nægur tími gefst til að taka myndir ásamt því að fræðast um myndun og mótun íslensku jöklanna.

Athugið: Gild ökuréttindi þarf til að aka fjórhjóli. Einstaklingar og oddatöluhópar þurfa að greiða fyrir staka ökumenn (e. single rider fee).

Lágmarks aldur: 10