Ertu að skipuleggja viðburð fyrir fyrirtæki, starfsmannahóp, fjölskylduna eða vinahópinn? Við bjóðum upp á fjölbreyttar og sveigjanlegar lausnir þar sem ævintýri, samvera og fagmennska fara saman.
Hvort sem markmiðið er að styrkja teymið, halda eftirminnilegan viðburð eða einfaldlega gera eitthvað nýtt, spennandi og öðruvísi, getum við hjálpum þér að setja saman upplifun sem hentar þínum hópi.
Við bjóðum úrval ævintýralegra ferða frá Litlu Kaffistofunni og bækistöðvum okkar við Sólheimajökul og Mýrdalsjökul þar sem hægt er að róa um á kajak við jökulsporðinn, þjóta á fjórhjólum eftir svörtum söndum og ganga á ævagömlum jökulís, allt í fylgd traustra og öruggra fagmanna og leiðsögumanna.
Upplifðu hreina orku Íslands í þessari hressandi fjórhjólaferð um háhitasvæðið við Hengil. Ferðin hefst við Litlu Kaffistofuna en þaðan er ekið um stórbrotna náttúruna í Svínahrauni, stoppað við magnaða sjónása, fræðst um orkunýtingu, nýsköpun og bragðað á alvöru hverabrauði.
Upplifðu einstakt eldfjallalandslagið rétt utan við Reykjavík í þessari tveggja tíma fjórhjólaferð um Hengilssvæðið og Jósepsdal. Steinsnar frá borginni er ekið um víðáttumikil hraun, dali og fjalllendi þar sem náttúran fær að njóta sín.
Fáðu fræðandi leiðsögn í skemmtilegri fjórhjólaferð um fjölbreytt háhitasvæðið við Hengil ásamt akstri til og frá Litlu Kaffistofunni.
Upplifðu andstæður Suðurstrandarinnar með því að sameina fjórhjólaferð meðfram svörtum ströndum Suðurlands og jöklagöngu á bláum ís Sólheimajökuls.
Í þessari samsettu ferð er farið um svartan Sólheimasandinn á fjórhjóli og við heimsækjum DC3 flugvélaflakið. Síðan er haldið áfram í eftirminnilega kajakferð á jökullóninu við Sólheimajökul.
Upplifðu einn fjölsóttasta skriðjökul landsins, Sólheimajökul, frá alveg nýju sjónarhorni í þessari einstöku kajaksiglingu. Í ferðinni er notast við svokallaða sit-on-top kajaka, sem auðvelt er að stýra og því er ekki þörf á neinni fyrri reynslu í kajakróðri.
Þessi ferð hefur verið okkar vinsælasta meðal Íslendinga frá því að Íslenskir Fjallaleiðsögumenn hófu að leiðsegja á Hnúkinn árið 1994.
Leiðin býður upp á stórbrotið útsýni yfir Öræfajökul sem og skriðjöklana Svínafellsjökul og Skaftafellsjökul. Stórkostleg fjallganga um heim jökla og hárra tinda.
Komdu með okkur í dagsferð á Fimmvörðuháls. Gangan byrjar við Skógafoss; síðan er gengið framhjá endalausri röð af fossum í dramatísku landslagi milli Eyjafjallajökuls og Mýrdalsjökuls. Ferðin endar í Básum á Goðalandi.
Komdu með í alvöru fjallgöngu á Eyjafjallajökul með óviðjafnanlegu útsýni til allra átta. Að standa á toppnum er virkilega erfiðisins virði. Gangan er krefjandi en er velfær öllu útivistarfólki.
Í þessari auðveldu og fjölskylduvænu jöklagöngu er farið í stuttan leiðangur um skriðjökul í nágrenni Skaftafells. Gengið er um framandi landslag þar sem djúpar sprungur, vatnssvelgir og aðrar jökulmyndanir eru skoðaðar á öruggan hátt.
Grænihryggur er einn af þessum földu fjársjóðum Íslands. Fagurgræni liturinn á hryggnum lítur út eins og eitthvað úr öðrum heimi; að bera þetta náttúruundur augum gerir gönguna vel þess virði.
Snæfellsjökull er líklega næstfrægasta fjall landsins á eftir Eyjafjallajökli. Staðsetning þess, þar sem það rís 1446 m með sjó á þrjár hliðar gerir það einstakt. Dagsferð á Snæfellsjökul svíkur engan, frábært útsýni, hæfilega krefjandi ganga með jöklabúnaði og að standa á toppnum á þessu sérstæða eldfjalli og njóta útsýnisins er algjörlega þess virði.
Í þessari samsettu ferð er farið um svartan Sólheimasandinn á fjórhjóli og við heimsækjum DC3 flugvélaflakið. Síðan er haldið áfram í eftirminnilega kajakferð á jökullóninu við Sólheimajökul.
Upplifðu stórbrotið landslag Sólheimajökuls með okkar viðurkenndu og reyndu jöklaleiðsögumönnum. Farið verður um djúpar sprungur, við sjáum vatnssvelgi og bláan jökulís á þessari auðveldu og fræðandi - 3 klukkustunda göngu. Leiðsögumaðurinn, mun deila áhugaverðum staðreyndum um jökulinn og leiða þig í gegnum hann á öruggan hátt.